أقابلك صدفه 

وتمر السنين واقابلك صدفه 

ألقاني.. 

اسرق ملامحك من عيون الناس 

و يصحي القلب ف ثواني.. 

والاقي الخطوه تتلجلج.. 

وتتلكك ولاتمشيش..

وتشتاقلك سنين العمر من تاني..

واقولك ايه.. 

حاجات كتير اتنست ف لساني.. 

والخطوه بتيجي نحيتك وتقرب.. 

واكره حاجات كانت معنداني.. 

وبستغرب.. 

اقابلك صدفه.. 

انساني.. 

وانسي الهموم والشقا.. 

ماناقلبي ساكن ف الحواري الضيقه.. 

ولايخفشي.. ولاينسي.. 

انا الجاني 

وعينيكي حبل المشنقه

اسامه خميس