محتاج   أمشي
 عكس دوران الزمن 
واسبق
خطوتي ف العد
محتاج  لناس 
مش بشر 
أشاور 
يبعتولي الرد
مليت
م الطبطه ع الكتف
 و كلامهم الماسخ
ع المخاليق
هربت فى سكة اللى يروح مايرجعش
لاقتني لسه
فى أول الطريق  
غمضت عيني 
وقولت  ماعرفهمش 
سحبتني الدنيا للأحلام
عيش تتعاش
واهي سكه
وافرح وانبسط حبه
فحبتها 
لكنها ماسخه
و وشها مهدول 
بتول لكنها حبله
ف جابت
واد ع الكيف 
مين قال 
إن الدنيا تعقيده
 ولا ابتسامه
ع الشفايف زيف
حلم الغلابه
لقمه
بس تبقي نضيفه
احلم ياعم  
وسيبها ع الخالق
رب العباد اقسم 
ليحاسب الظالمين 
ولو النهارده سلف
بكره يردوا الدين
انت مين
 انا
انا الحلم 
اللي متشعبط 
ف ديل توبك
وانا القلب اللي عاش 
بيلف ف دروبك
وانا قهرك 
وانا مهرك 
وانا طهرك
وانا ذنوبك
انا الساكن جوا منك
مش بكيفك لا 
غصب عنك
لسه طيفي بتلمحيه ؟!!!
حواليكي في كل الاماكن
وان فتحتي مرة قلبك
ها تلاقيني
  لسه ساكن
مش بكيفك 
لا غصب عنك